何浩文寸林作:呢行靠實力

藝人何浩文、林作前晚出現電影首映,兩位過氣情敵撞到正,零交流更沒有合照,帶同女友到場的何浩文表示與林作碰面並不尷尬,提到林作想入娛樂圈?何浩文說:「係咩,咁畀心機。(合作?)我OK,冇乜所謂,呢行靠實力,有實力就有嘢做,合作機會實有。」單拖睇戲的林作直言不論男女,朋友都不想與他有關連,自嘲應「孤獨終老」!對於何浩文暗寸他入娛樂圈要講實力,林作昨日在電話中回應時大讚對方靚仔,若有機會合作會「爽爆」!