翟威廉唔認分手 陳庭欣:感情事佢知就得!

緋聞傳足幾年的翟威廉與陳庭欣昨日各自出席活動,翟威廉與沈卓盈出席明珠台《賈神探》最後一季宣傳活動,提到他接受鄭紹康專訪時首度承認與陳庭欣分手。

翟威廉表示沒有講過分手,二人一直是好朋友:「我冇認呀,鄭紹康話識咗咁多年,冇拍拖會唔會可惜?咁其實做朋友都係好好嘅事!(佢話你同庭欣做番好朋友?)我哋一向係好朋友,唔係『做番』!(拍咗拖5年?)係識咗5年!」至於可有覺得鄭紹康「抽水」?他說:「冇。(擺你上枱?)算啦!大家講嘅意思唔同啫!」

遊斐濟凍到震

至於陳庭欣回應說:「標題嘩眾取寵,我向來都知男方不講感情事,我都一樣,感情事方面,家人及對方知就可以了,低調啲好,呢啲都係我哋兩個人嘅空間。」

此外,昨日她出席《阿爺big big廚房》活動時,透露剛由斐濟拍攝節目返港,曬得一身古銅色肌膚,但當地正值冬天,拍落水鏡頭時冷得騰騰震:「出海拍攝天氣都幾惡劣,坐住架好似洗頭艇嘅船,喺漆黑一片嘅海都幾驚!」

文:影視組