鮑起靜教開槍唔眨眼秘技
影后鮑起靜首度拍無綫劇集《同盟》，與視帝陳展鵬、視后胡定欣、陳山聰、姚子羚等好戲之人合作，飾演財團大姐大的鮑起靜，舉手投足均氣勢逼人，就連開槍姿勢也型到爆，霸氣十足！演慣慈母角色的她坦言今次獻出人生第一次：「未試過咁強勢，特別喺我老公方平壓榨底下！佢睇到宣傳片，都話估唔到我可以咁。」
為突出其強勢角色，監製文偉鴻特別在她髮型及造型上落手，除設計All back頭套，連戲服也選用淺色調，與身旁手下的深色服飾營造強烈對比，問到拍攝時可有困難？鮑起靜說：「平時唔會得我講冇人講，所以每日都催眠自己入戲。」談到劇中不乏揸槍戲份，她透露開拍前與定欣及子羚跟教練上堂，別看鮑起靜已年屆68歲，開起槍亦絕不比後輩遜色， 她更分享開槍唔眨眼秘技：「未Roll機先打一槍，隻眼一定眨，跟住繼續開槍就點都唔會眨。（拍完有冇上癮？）真係已經夠，始終呢方面（強勢）唔係我專長，下個挑戰係想做喜劇。」
