蔡思貝哨牙師爺冇自信 王浩信盲俠發威俘虜中港觀眾
王浩信於熱播劇飾演盲人大律師，劇集於內地及香港大獲好評，之前他在另一劇集《不懂撒嬌的女人》的暖男形象深入民心，故被視為今屆視帝大熱，他多謝觀眾將角色留在心中，坦言已當攞獎，對獎項不會想太多。
無綫劇集《踩過界》於周六及周日播出，王浩信首次演繹視障人士，視為一大挑戰：「以前演出靠對眼去接收對手畀你嘅感覺，今次靠耳去接收，開頭真係唔習慣。」雖然角色甚有難度，但此劇口碑及浩信的演出獲不少好評，當中他與張振朗的兄弟情，HeHe味甚濃，二人在電單車上的一幕更成為熱話，被內地網民封為「機車巴打」，浩信笑言拍攝時都驚對振朗動真情。
口碑好零負評
提到劇集於內地視頻點擊率破億，口碑不俗兼零負評，連內地媒體都大讚，浩信坦言是意料之外：「內地觀眾好耐冇咁好嘅平台去睇TVB劇集，大家反應正面都好感恩。」
提到浩信之前於劇集《不懂撒嬌的女人》的暖男形象深入民心，兩角色同被視為今屆視帝大熱，但始終距離台慶頒獎禮仍有4個月，他坦言不敢想太多：「多謝觀眾畀空間呢兩個角色留喺心入面，已經係好好嘅獎勵，唔會去諗視帝呢樣嘢。」
抗拒戴假牙
至於飾演哨牙師爺「癲姐」的蔡思貝（Sisley），被監製大爆拍攝初時抗拒戴假哨牙，經常合上嘴，Sisley解釋：「女仔始終見到自己唔靚，個心會唔舒服同冇自信，用咗一段時間去適應棚假牙，要慢慢去克服。」
文：影視組
攝：鄭家俊