翁嘉穗(目及)實囝囝社交網

港姐靚媽翁嘉穗昨日到香港仔，接受由黎燕珊主持的奇妙電視節目《朝拜傲媽》訪問。兩位冠軍級靚媽的愛子正值青春期，二人都感好奇兒子有否拍拖。翁嘉穗笑言有關注囝囝的社交網：「有留意吓有咩人Follow個仔，通常都係啲朋友同教練。（留意到佢同女仔交往？）有留意呀，但佢話冇囉，但我覺得唔會冇嘅。（有冇蛛絲馬迹？）我都經歷過16歲，呢個年紀係會好奇，或者我叫Daddy探吓口風啦！」