《星級煮意》：自製飯盒幫男友收身 DaDa愛心雞柳嗒落有味

雖然忙於湊BB，但盧頌之（DaDa）未有忽略男友趙勁皓（King）！男友早前參加健身比賽曾埋怨「冇啖好食」，令久未入廚的DaDa的起心肝再入廚，炮製「愛心雞柳飯」簡單又易煮，她說：「King有比賽要收身，平時都係食烚牛肉、米粉，呢個飯盒比較有味，想佢收身得嚟都可以食得好味啲！」

蜜糖加黑椒夠惹味

由小學開始，DaDa已跟住阿媽去街市買餸，又入埋廚房學煮飯，但入行後已少有入廚。今次為男友「復出」，DaDa笑言當然獲Like：「佢話好多謝我煮嘢畀佢食，佢知我煮番嘢食就話想食醉雞，仲Send段片畀我跟住學。」

DaDa坦言煮食要隨心，沒有特定分量：「可能係由細到大睇媽咪煮，佢都冇實在落幾多，隨感覺去做。」她又分享失敗經驗，指有次學煮高難度的咕嚕肉時，被指又臭又難食：「我成碟倒落垃圾桶！同阿King講番時佢叫我唔好煮畀佢食，好唔開心！」

烹飪導師Polly讚賞DaDa以蜜糖加黑椒醃雞柳，效果惹味，建議如果大家想食肉質較滑的雞，可選擇去皮的雞扒。若然家中沒有焗爐，改用易潔鑊煎雞柳，可做到同樣效果。

《星級煮意》播映以來反應熱烈，一眾名人紅星大力支持，除了已亮相的陶大宇、杜汶澤、陸浩明情侶檔及朱慧敏等，其他將陸續登場！《星級煮意》逢周四更新，大家可透過東網App及東網網頁收看及重溫。

DaDa醃完雞肉後，放入焗爐煮熟。

DaDa先將材料切粒，加入炒飯內。

放大圖片	完成品	烹飪導師Polly（右）教主持Sara可用雞扒，口感較滑。

睇片：https://goo.gl/kAjDGU

文：名人組