周秀娜被嘉穎摑到滿天星

藝人周秀娜、森美、甄詠珊及安俊豪等昨日在旺角出席活動，周秀娜表示喜歡網上購物：「上網買衫、買女人嘢好方便，以前係機不離手，買嘢買到唔瞓覺。有次拍戲戴隱形眼鏡，用得電話太多眼乾，拍親熱戲嗰陣眼乾到隱形眼鏡移位，畀對手發現好樣衰，所以就開始減少用手機，依家300幾度近視，有諗過做激光矯視，拍戲會方便啲。」而最近忙於在佛山拍電影的她，提到要被鄭嘉穎掌摑，她笑說：「摑咗一巴好大力、好響，起身都暈暈哋，但係導演唔收貨，最後摑咗三次，加埋試位嗰啲真係滿天星斗。嘉穎都好好已經就住力。」