趁後生挑戰渡海泳 衛詩雅操水變「白毛女」
藝人衛詩雅（Michelle）昨日以代言人身份出席護膚品牌活動，她表示近日皮膚不錯，問到是否有愛情滋潤，她笑說：「我都希望係！除咗愛情之外，我覺得運動係一個快速又健康嘅方法，當然都要用啱自己嘅品牌。」又透露近日經常游水，為10月29日舉行的渡海泳做好準備，屆時會由尖沙咀游去灣仔，她說：「嗰度1,000米，但依家反而好擔心兩星期後嘅游水試，要過到先可以參加，個試要45分鐘內游1,500米，即係30個直池。」
皮膚似海豚
Michelle表示會在晚上偷偷到公眾泳池練水：「入咗行之後都未去過公眾游泳池，而且好多人，要係咁避。」並表示會戴上泳帽及泳鏡，讓自己不易被認出。談到參加原因，大會方面睇中她曾做救生員，而她希望趁年輕游維港，認為機會難得。她現時每日練習，覺得很有以前細個練水的感覺：「日日游，令到成身嘅毛髮都白晒，上水時覺得啲皮膚好似海豚咁，但其實好傷頭髮，以前冇戴泳帽，但依家一定會，費事人哋認到。」
文：名人組