馬國明「入屋」有阻滯 黃心穎飲茶落嘴頭氹爸爸開綠燈

獲封「圈中筍盤」的馬國明與年輕15載、現年28歲的黃心穎緋聞傳足一年多，雖然多次約會斷正，但未正式公開戀情，一直表示互相「了解中」，不過兩人關係似乎開始明朗化，最近更傳他們在將軍澳物色愛巢計劃同居，但卻遭心穎的家姐黃心美反對，指兩人年紀有距離，應要多了解才作決定。

夾點心管接送

而一直對馬國明一心一意的心穎，為改變屋企人對「男友」的印象，日前難得放假都唔約馬國明見面，反而做孝順女陪爸爸去飲茶，順便「出招」幫「男友」在爸爸面前講多幾句好說話。

當日中午12時半，心穎駕車離開油塘寓所前往樂富，泊好車後先往酒樓攞位，然後再去附近接爸爸一齊去酒樓，席間兩人邊食邊傾，心穎不時使出招牌笑容，又經常為爸爸夾點心，十分體貼。

馬國明要抱得美人歸，似乎要靠黃心穎氹掂家人。	心穎做孝順女陪爸爸去飲茶。	心穎搭實膊頭，黃爸爸一定甜在心頭。

拖手搭膊黐實

兩父女撐枱腳約個多小時後步出，一身Casual打扮的心穎，行到人多的地方即主動拖住爸爸的手，期間亦有搭爸爸膊頭，沿途不時有途人眼望望，但她一於少理，繼續拖住爸爸邊行邊傾，場面溫馨。落完嘴頭的心穎，先送爸爸返回樂富寓所後，才自行往停車場取車離開。

文、攝：追蹤組