考起阿B 鍾幗：點解個獎冇着衫？
歌手鍾鎮濤（阿B）前晚在《2017華語金曲獎》獲「華語音樂傑出貢獻獎」，太太范姜和三個女兒到場支持，阿B更拖着細女鍾幗行紅地氈，笑言帶細女見見世面。
問到鍾幗行紅地氈好玩嗎？鍾幗說：「Yes,very funny！」阿B指阿女好搞笑：「頭先鍾幗望住個獎，問我點解個獎嘅人像冇着衫嘅？」他再爆阿女趣事說：「我哋搭車嚟嗰時，我喺車度練歌，唱住『情變、情變、情變』，阿女就唱咗『前面、前面、好塞車神經病……』。」阿B笑言待鍾幗學多點中文，可以一齊Rap歌。他又透露之前和家人去非洲毛里裘斯度假，又稱因要做唱片宣傳，所以旅行都變成斬件式，之前已去了泰國兩轉，若時間許可會再去多次。