《華語金曲》擸四獎預祝26歲 G.E.M.講明唔食蛋糕要男友炮製驚喜

G.E.M.前晚在《2017華語金曲獎》頒獎禮上勇奪四個獎項，在後台受訪時，她表示能夠參與頒獎典禮已經非常開心，因為即將於9月舉行紅館個唱，加上撞正下星期生日前奪得獎項，感覺錦上添花，笑言獎項是預早收到的生日禮物。問到如何慶祝26歲生日？G.E.M.指往年會喪吃蛋糕，但今年積極健身，練到靚Body，故失去吃蛋糕的意欲。問到是否跟男友有情飲水飽？她默認說：「有情真係飲水飽，啲人拍拖都要食嘢嘅！」問可有向男友暗示想收甚麼生日禮物？她說：「冇呀，其實我個人好唔鍾意講人知我想要咩，然後叫人買畀我，因為我鍾意Surprise，所以我通常都唔出聲。」

怕冇覺瞓逃避生B

談到參加《全美一叮》的「小巨肺」Celine妹妹，G.E.M.直言下次有機會都想跟對方合唱。講到將來生個小巨肺BB，她即搞笑話見到好友李蘊生B後冇覺好瞓，更覺得生BB責任太大，對自己來說言之尚早。

同場的組合草蜢奪得「殿堂組合」及「十大華語唱片」兩個獎項，頒獎時，校長譚詠麟貼心地問候早前因塌台傷尾龍骨的蔡一智傷勢，更叫對方不要再令大家擔心。草蜢又坦言奪獎為11月的紅館演唱會打了強心針，問到舞台可會有很多機關？他們說：「高高低低咁啦！」阿智則透露傷勢已差不多康復，更開始做運動兼打拳。

譚詠麟壓軸獻唱後，突有粉絲衝上台集郵。	草蜢從譚詠麟手上攞獎，蔡一智更獲慰問傷勢。	內地樂團「永夜極光」想向歌神致敬。

譚詠麟遭突擊集郵

在頒獎禮尾聲，校長獻唱完畢後大合照時，突然有粉絲衝上台要求跟校長集郵，一度造成混亂，校長故作鎮定，最後由工作人員帶領離開，但沒受訪。另外，奪得「優秀新樂隊」獎項的內地樂團「永夜極光」，受訪時表示首次在港奪獎心情特別興奮，更笑言很想欣賞歌神許冠傑和譚詠麟的紅館演唱會。

文：音樂組

攝：劉智源、司徒國榮