謝賢談到兒子謝霆鋒的前妻張栢芝及現任女友王菲，他坦言好錫栢芝：「我成日同人講我好錫呢個新抱，因為佢幫我生咗兩個孫，有咩好得過畀兩個孫我呀？（同霆鋒現任女友王菲有見面？）呢樣唔理啦！霆鋒從來唔會問我識咩女仔，我哋屋企唔興問呢啲嘢！（關心謝婷婷同『鷹眼』謝洛美維拿拍拖？）佢鍾意就得，一世人幾廿年，至緊要開心！」
提到獲霆鋒豪贈八千萬豪宅，謝賢說：「唔通要我跪喺度多謝佢咩？梗係扮瀟灑啦！不過我心入面嗰句係：『我冇生錯呢個仔！』（點睇霆鋒同你一樣要離婚？）呢個係我孤獨老人嘅創傷，每次想起都難免落淚！」