陳瀅鼻屎贈姊妹劉佩玥笑到豬叫
藝人馬德鐘、劉佩玥、陳瀅、張曦雯、何廣沛、翟威廉及莊思明等，昨日到將軍澳電視城出席無綫新劇《跳躍生命線》拜神儀式。分屬好姊妹的劉佩玥與陳瀅接受訪問時互揭生活醜態，劉佩玥大爆女神陳瀅最愛「採礦」，更將鼻屎抹在她手臂上！劉佩玥笑說：「佢成日撩完鼻屎就抹喺我手臂度，最初以為佢好sweet摸吓我，第一次發現心諗咩嚟o架？然後就大嗌咗出嚟囉！」
屋企被「入侵」
被指是「礦工」的陳瀅不擔心破壞女神形象：「唔驚，貼地啲嘛，女神都要撩鼻屎o架，哈哈。」但她亦反擊爆劉佩玥興奮時笑聲似豬叫，非常難聽，並指屋企被對方借宿「入侵」！劉佩玥笑說：「我霸咗佢張梳化同埋個廳嚟瞓，又唔係日日嘅。」
馬德鐘恨拍「床戲」
相隔兩年再拍無綫劇的馬德鐘飾演救護員，他表示「回家」拍劇感覺溫暖，即使推掉兩套內地劇亦不覺可惜：「唔可以用錢去衡量，選擇咗就要做好佢，好好享受。」馬德鐘於劇中與張曦雯有感情線，他笑言希望有「床戲」：「我指係擔架床嘅戲，可以令觀眾刻骨銘心一啲。」
文：影視組