余香凝野蠻女友乜都管

影壇新貴余香凝(Jennifer)原來是個野蠻女友,最愛做管家婆,更自爆疑似有「強迫症」。她與男友陳家樂感情穩定,對方承諾照顧一生一世,Jennifer定下30歲結婚的目標,即是6年後組織家庭!

由模特兒轉型做演員的Jennifer,為東網巨星節目「海馬牌床褥特約」《閨蜜睡房》擔任嘉賓,接受主持李惠儀(Kiwi)的訪問。16歲開始做模特兒的她,年紀輕輕便投身社會,主要是不想攤大手板問母親攞錢,亦因為早出道,思想亦較早熟。

唔鍾意拍散拖

Jennifer現年24歲,自爆戀愛過三次,跟現任男友陳家樂已拍拖兩年:「我不嬲唔鍾意拍散拖。」感情路上,開始一段感情之前,她自言會有很多考慮因素,除了性格要夾,最重要是大家要有共同目標:「我會睇佢係咪一個可以去成立家庭嘅人,先至一齊!」

自認有強迫症

外表斯文、恬靜,Jennifer卻形容自己是野蠻女友,她笑說:「係管家婆,好煩嗰啲。」更自爆有強迫症,究竟有幾嚴重?家樂有何地方令她睇唔過眼?原來家樂與紙巾有離不開的關係,想知道Jennifer這個野蠻女友的戀愛態度、她的「強迫症」程度、家樂與紙巾的秘密等等趣事,記得留意東網巨星節目《閨蜜睡房》,星期五、六、日一連三集,由Jennifer親自講畀大家聽喇!《閨蜜睡房》可透過東網App及東網網頁,隨時收看及重溫。

文:音樂組