鄭融拍拖多年學識堅持

歌手鄭融、音樂人韋雄及監製周錫漢昨日到電台宣傳新歌《I'll be with You》,歌曲以「堅持」為主題。鄭融認為自己工作多年,又首次能夠拍拖多年,因此對堅持有很深體會。

周錫漢覺得鄭融的男友令她看到美好的遠景,因此唱歌或傾歌詞時都很甜蜜和充滿希望。提到幾年前聽這歌的Demo,鄭融直言當時的心情跌進谷底,要獨自面對難關:「嗰時冇拍拖,單身算唔算失敗?應該點樣過?其實係學識點樣變得成熟同獨自解決問題。再辛苦都希望自己有進步,冇事嘅,喊完瞓個覺,第日就冇嘢。」