吳京水底激戰6分鐘：差啲死！
吳京自導自演的新片大收旺場，成為中國影史票房最高的電影。身在內地的吳京接受本報獨家訪問，他表示在戲中挑戰人體極限，一口氣拍攝一段6分鐘兼一Take過的水中打鬥戲。雖然電影超支8千萬元（人民幣，下同），但依然有不少人爭着投資，不過吳京為報恩認人唔認錢：「留畀曾經幫過我嘅人！」
43歲內地武打巨星吳京，其自導自演的電影《戰狼2》上映14日，票房累積收逾38億元，打破周星馳執導的《美人魚》，成為中國影史票房最高的電影。連日來忙於宣傳致病倒的吳京昨日透過電話接受本報獨家專訪，透露今次拍攝經歷甚多，其中一場水中打鬥戲，以一口氣拍攝一段六分鐘一Take過的「水戰」，挑戰人體極限之餘，更是命懸一線！他說：「好辛苦，個人要沉落去打，有啲動作好快，所以要加快速度，真係差啲死！咪係咁飲水囉！」
揸坦克玩飄移
另一場驚險場口是吳京駕駛坦克玩飄移，要顧及自身安全之餘，亦擔心坦克會撞到工作人員。問到為何明知危險仍要拍攝？他解釋因觀眾的要求愈來愈高：「呢兩場戲係第一次有中國人拍得到，起初我哋要一Take過拍6分鐘潛水戲，冇人有信心可以做到！坦克車亦冇人拍過飄移！」戲中大開金口的他笑言十分緊張：「唱歌不如叫我跳樓啦！」
休息半年陪家人
吳京透露電影製作費高達2億元，當中超支8千萬元，但承接上集聲勢，不少人爭相投資：「我話我要留畀曾經幫過我嘅人，我要報恩！」雖然新片成績超理想，但吳京坦言有遺憾：「坦克車場戲可以有一個靚啲嘅角度，但係嗰度嘅地理環境險要，攞唔到個位。」問到香港觀眾何時可以欣賞電影？他說：「原本安排咗香港一齊上，但唔知點解香港未上喎，會上o架，安排緊。」他又稱將休息半年，好好陪伴太太及兒子，及會閉關寫劇本。
文：影視組