鄧宣宏雁扮靚嫌煩下世做男人

太子珠寶鐘錶集團主席及行政總裁鄧鉅明太太鄧宣宏雁（Emily）事業有成，亦積極行善、熱心公益！今年更榮獲世界傑出華人獎、法國北歐大學榮譽博士、香港商業專業評審中心頒發榮譽院士，她開心說：「真係萬分感恩畀咁大榮耀我，老公有一半功勞，我哋各方面互相支持。（點成為成功人士？）真誠待人以及不問回報咁付出。」

盡心打理公司

Emily外表溫文，說話慢條斯理，但實質性情爽直！她說：「老公覺得我以剛克剛，性格似男仔。佢有時比較優柔寡斷，我就較爽直！」又直言下一世想做男人：「女人要化妝、Set頭，諗着乜衫配乜珠寶，好吃力！好羨慕老公咁快可以去街。」

Emily與老公鄧鉅明相識16年一直主理家庭，直至五年前經對方游說下，終加入公司打理家族生意。鄧生主理前線營運，她則負責內部運作。Emily擔任集團副主席及執行董事，問到當初有否被人講閒話？她直言有人不認同：「但我老公一手一腳創立公司，佢係大老闆，請我幫手係理所當然。」

事事親力親為的Emily，為客人買手錶、珠寶。

身為保良局總理的Emily與老公鄧鉅明、陳小寶（左）及陳細潔（右）齊出席慈善活動。

她表示未入職前已參與公司業務：「有客買手錶珠寶，我親力親為幫手，係義務冇糧出。」Emily感謝老公教導如何營運公司：「五年半付出咗好多，長咗唔少白頭髮，但我好樂意。」

文：名人組