林慧倩獨遊巴黎迷倒法國導演

前港姐林慧倩早前趁生日獨遊巴黎，她透露在澳洲讀完書後，未試過單獨去旅行，覺得好好玩，因為獨自一人時，可以看到更多不同事物。她自爆有艷遇，首天便遇上法國導演，與對方同遊巴黎：「我去當地著名嘅Cafe食Lunch，隔籬坐咗個法國導演，大家好啱傾，佢仲話有電單車，可以載我四圍去。佢走嗰陣，勁錫我隻手，熱情到我有啲尷尬。」林慧倩又稱除了導演外，每次食飯隔籬都有靚仔陪伴，更有非常啱傾的德國男士送她返酒店，十分開心。