趙哲妤自細入廚薯不簡單
藝人趙哲妤（Uny）弱質纖纖、雞仔聲，原來唔聲唔聲廚藝嚇你一驚！今次為東網巨星節目甄想記（明記）33周年特約《星級煮意》大顯身手，炮製香噴噴的「咖喱薯仔雞翼」，令人垂涎三尺！
Uny為大家示範「咖喱薯仔雞翼」，準備工夫都唔嘢小，調味料都有好多款，真係「薯」不簡單。Uny自言入廚經驗超過十年，首次下廚是讀中學的家政堂，最拿手是炒飯：「15歲自己睇食譜煮，最叻係雞蛋炒飯，要濺蛋液包住粒飯係好難，食落口唔可以太濕，乾身得嚟又唔會太Dry，啲同學仔都好鍾意食，好有成功感。細個零用錢唔多，冇錢買料，會煮牛油炒飯、辣椒醬炒飯同蝦膏炒飯，叫啲同學估咩味，全部都係童年回憶。」
無飯不歡
對於「咖喱薯仔雞翼」，Uny話自小已有情意結：「我細個好鍾意喺小食部買豉油雞翼食，好好味。我係飯桶，會諗點樣可以用雞翼配飯，所以成日搵食譜，薯仔咖喱雞翼送飯一流！」Uny更自言「功力」深厚，可以輕鬆應付一枱12人的飯餸。
導師激讚
入得廚房出得廳堂的她，連烹飪導師Polly都讚菜式做法完整，賣相吸引！不過Polly有個小建議給大家，可以改用更為方便的咖喱粉代替咖喱膏，Polly並親自示範做法。
《星級煮意》推出兩個月，藝人陶大宇、杜汶澤、朱慧敏、陸浩明情侶檔、陳嘉佳、陳嘉桓等已出場示範不同菜式，其他名人紅星陸續有來，節目逢周四更新，大家可透過東網App及東網網頁，隨時隨地收看及重溫。
文：名人組
https://goo.gl/etufRH