朱千雪李佳芯慘死 王浩信復視再盲過？

大獲好評的《踩過界》現時第二季網上點擊率甚高，此劇跟大陸網站合作，網上早已能看多集，連大結局劇情亦被爆，當中最精彩是浩信的「最愛」朱千雪慘被槍殺。劇中，千雪結婚前覺得自己忘不了浩信，選擇逃婚找他，更勸他做手術重見光明，以為一切都如意之際，浩信拆開眼紗布當天，千雪就遭槍殺，而殺她的竟是其父單立文。而單立文殺完親女仍不收手，為搶李佳芯手中的兇槍，追至懸崖邊時，將她推落大海致死，單立文最終入獄！

帶挈賺人仔

另外，劇集的終結就有復視的浩信戴回黑超的片段，點解浩信復視後又戴上黑超？劇情其實交代浩信因經歷太多又痛失「兩愛」，決心做番「盲人」，唔再需要復視眼鏡，要用心去看清楚世界，而黑超亦真係遮太陽的太陽眼鏡！

穿橋感無奈

雖已「穿橋」，但無綫播出的版本是最原汁原味，對於結局被爆或多或少影響香港收視，浩信說：「結局穿咗，對追看性一定有影響，作為劇中一分子，難免有啲失落。」但浩信不諱言劇集帶挈他與張振朗齊齊有機會到北京獻唱。

「盲俠律師」亦是浩信拍劇以來最辛苦的角色，對於一直被看好憑此劇奪視帝獎項，浩信說：「對我嚟講觀眾嘅肯定同聲音最重要，但依家情況係一個咁出色嘅劇本，一個咁難處理嘅角色，個結局咁快爆咗，可能會少咗觀眾睇，呢個係無奈。」而千雪表示不擔心結局被爆會影響收視：「對套劇好有信心，就算結局出咗，香港電視都未有得睇，觀眾都會睇番。」

文：影視組