《閨蜜睡房》：陳嘉寶恨生B 望仔女集合最強基因
快將做人妻的陳嘉寶（Anjaylia），亮相東網巨星節目「海馬牌床褥特約」《閨蜜睡房》擔任嘉賓，自爆與初戀男友黃頌祈（Epaphras）開始，全因她個性男仔頭，男友覺得她好爽直，與她外表完全無關。雖然有「宅男女神」之稱，但Anjaylia自嘲不完美，她笑說：「我有啲悶，有啲『喱啡』，我個人好懶，唔使開工時我可以好Hea，超鍾意瞓覺，如果可以，每日要瞓10個鐘先滿足同開心。」她更自爆有選擇困難症，除非大事黑白分明，她好快作出決定，其他小事千祈不要逼她去揀，因為她選擇不到。
床上小秘密 搵公仔陪瞓
將來生小朋友，Anjaylia希望BB可以遺傳到男友的運動及音樂細胞，至於個性最好抽取她的基因，因為她由細到大出名易湊，她笑說：「基本上我人生冇反叛期，希望第時BB會似我，可能我習慣咗乖，我只係會駁嘴，都係啲口癮啫，做唔到啲乜。」婚後她依然會家庭事業兩兼顧，她說：「媽咪成日哦我，話女仔到幾多歲都好，一定要做嘢，結咗婚都唔好攤大手板問老公攞錢，一定要自己有經濟能力，咁先可以做番自己。」
節目中，Anjaylia分享她的床上小秘密，她直指自己好幼稚，由細到大都有一堆毛公仔圍住瞓覺：「最老歷史係一隻白色兔仔，陪咗我23年，我唔捨得拎佢出嚟，如果整唔見咗好大鑊，我安排咗佢哋（毛公仔）有唔同位置，一隻左一隻右，一隻瞓喺我心口，一隻喺肚上面，仲有一隻喺頭殼頂。」《閨蜜睡房》逢星期五、六、日更新，想更了解Anjaylia及其他女星？立即上東網App及東網網頁收睇及重溫啦！
https://goo.gl/4Wrx5K
文：音樂組