港姐水着見人 張寶欣大意「露毛」 胡美貽心形胸峰殺雷莊𠒇
【陳永峯台北直擊】昨日12位候選港姐在台北首度以泳裝會見傳媒，眾女身材平均，大部分都狀態十足！上圍最出眾的胡美貽谷出心形胸「峰」殺全場，大熱的伍樂怡及雷莊𠒇則以結實腹肌迎擊，張寶欣最失策，大意露「胳肋底」毛！
《2017香港小姐競選》12位候選佳麗昨日繼續在台北拍外景，首度以泳裝見傳媒及公開三圍數字，佳麗在北投水都溫泉會館拍攝三點式照片，但泳裝款略嫌保守，眾佳麗身材平均，上圍最出眾是谷出心形胸的胡美貽（Nicole），而李清心、雷莊𠒇（Juliette）及伍樂怡更練出腹肌！
Keep Fit操線條
身形Fit爆的Juliette令人眼前一亮，5呎7吋的她三圍34.5、26、36，惟百密一疏下身現形，她直言平日喜歡到沙灘曬太陽，對身形有信心，講到有六舊腹肌，她笑言沒有特別練：「係爹哋媽咪遺傳畀我，做運動係希望線條靚啲，但嚟香港前喺加拿大整傷咗背脊，冇運動一段時間，近排先做番。（有咩地方想改進？）希望腰間兩邊可以再修啲、再結實啲。（決賽泳衣環節係強項？）可以咁講，係最有自信，因為自己唔怕醜。」擁有34吋上圍的胡美貽谷出心形胸搶「峰」頭，其身材一向豐滿，自言全靠媽咪遺傳：「都有自信，但喺外國沙灘唔算突出，冇咩人望我。」又說連日來沒有刻意節食減肥，昨晨仍有吃早餐，自覺大髀及手臂可以更Firm。
伍樂怡唔輸蝕
張寶欣和邱晴在眾佳麗中較肥，不過張寶欣左邊「胳肋底」驚見未剃乾淨的毛毛，相當礙眼，她尷尬的說：「係咩？有清潔o架！我男仔頭性格，冇留意，下次會注意。」至於大熱佳麗「仙氣李若彤」伍樂怡（Kelly）的三圍是32、23、33.5，身材平均，肌肉結實兼有腹肌，狀態大勇！Kelly說不慣在眾人面前穿泳衣拍照，心情緊張，她又讚Juliette及胡美貽身材好，因不覺得自己輸蝕，毋須羨慕：「滿意自己身材，平時都有做運動同埋食得清淡。（着泳裝有冇同男友備案？）有同佢講，但唔使影相畀佢過目，大家思想都開放嘅。」
攝影：鄭家俊