戥胡諾言跑得過癮 唐詩詠想試裸跑！
藝人唐詩詠（Natalie）、岑麗香（香香）及胡諾言（胡仔）昨日到屯門出席「V city 4週年誕生祭」，與新鴻基地產代理租務副總經理孫雅茵小姐，慶祝V city 4歲生日快樂！Natalie稱有留意胡仔拍劇裸跑的報道：「正呀！（你接受到着打底衫裸跑？）好難講，如果劇情正，作為演員，都想試！」她又讚為她結他伴奏的張彥博：「佢好有音樂才華，靚仔又年輕。（有機會發展？）我想發展我哋嘅『歌路』，做多啲啱我唱嘅歌！」
以露肩裝示人的香香，被問準備做媽媽未？她說：「唔止家長，個個都催，生B好大責任，我同老公都未Ready！」胡仔提到拍劇裸跑說：「我啲女有問我：『爹哋做乜？』我話係工作，朋友問我做乜着成人尿片？嗰條係打底褲，用嚟後期打格仔！」
