陳展鵬揀Timing賜單文柔名分

陳展鵬昨午原定與鮑起靜（鮑姐）到電台宣傳無綫新劇《同盟》，但他臨時缺席，鮑姐說：「佢唔得閒啫！」劇中飾演母子的二人，現實中也是深交，談到展鵬與單文柔的緋聞，鮑姐坦言展鵬平時甚少提及感情事，她亦未見過單文柔，不過她說：「問佢係咪拍拖，佢話：『係呀，阿媽！』第日有機會要見吓。」對於展鵬前緋聞女友胡定欣，鮑姐大讚她大方體貼，更指定欣與展鵬的感情牢不可破，眾人更約定今年聖誕一齊過，問她可會介紹男仔給定欣？鮑姐說：「可能佢有，我哋唔知啫！」

靠WhatsApp八卦

鮑姐事後知「衰多口」，即攬上身表示是一場誤會：「咁大個仔應該要拍拖，之前我真係有WhatsApp八卦問佢，佢回我一個哈哈笑臉，咁我咪以為佢係拍拖囉！」展鵬在電話中則表示因陪母親睇醫生才缺席電台訪問，對於鮑姐踢爆他親口認與單文柔拍拖，展鵬笑着說：「哈哈，呢個阿媽，我話有拖拍就帶畀佢見啫！」他再解畫指鮑姐成日都想他拍拖，更想幫他做媒：「鮑姐係唔識佢（單文柔），但可以隨時問我，唔使驚，鮑姐講嘅永遠都係啱。（幾時帶單文柔畀佢識？）有機會合作都可以認識。」

唔想女方背負太多

問展鵬何解不大方公開戀情？他Man爆說：「我一路唔想講單文柔，因為驚寫得唔好，就會影響佢一生人形象，令佢背負咗一樣嘢，點都唔可以咁。（你好保護佢！）冇法，佢冇一樣實質嘅嘢畀觀眾認識，唔同我，你哋可以講我，我要保障好多嘢。認唔難，但要睇Timing，大家開心自然就係，時間可證明好多嘢。」問到現時感情狀況，展鵬以「OK」來形容。

文：音樂組