黃宇詩想賣男裝內褲

藝人黃宇詩與曾志偉出席自家內衣品牌活動，黃宇詩花六位數字開設第二間分店，她指志偉是一個不過問業務的合夥人：「今次佢真係盲撐，完全冇過問。」志偉則說：「佢又乖，最重要我同佢爸爸（黃霑）係佢長輩，其實都係用佢爸爸錢，以前佢成日話『塞錢落你袋』，塞咗咁多落我度，拎番出嚟投資好應該。」黃宇詩續指現時生意營運暢順，總店亦開設辦公室。問到會否加推男裝內衣褲，她說：「有嘅，好記得我第一次同『志偉爸』去日本，去咗間24小時專賣店，佢就係咁摸底褲，我都有，男裝底褲一直都想出。」