除婚戒引女？陳柏宇心虛喪笑

歌手陳柏宇（Jason）昨日到動漫節出席活動，但卻未有戴上婚戒，未知是否想乘機引女埋身？對於被發現又冇戴戒，他尷尬喪笑，即時收埋雙手插袋，其後更用右手搭左手拎咪受訪，不想被影到沒有戴戒指，十分搞笑。他尷尬笑言：「今朝Leanne（老婆符曉薇）先提我記得戴。（驚有女仔埋你身？）驚咩呀，我咁高調結婚，仲有女埋身嘅話，個女仔都傻，同埋我唔會受到誘惑。（唔記得戴會畀老婆罰？）唔會，但會哦吓。」Jason亦透露喜歡動漫及figure，以往有來動漫節，現時已減少打機，但十年前試過與好友在家中閉關三日，期間只是睡覺及打機。