陳琪生疏湊B從頭學起
藝人胡諾言（胡仔）與太太陳琪是圈中的模範夫婦，結婚多年依然恩愛如昔，二人除育有兩名女兒胡芷苓和胡芷悠外，去年10月，陳琪更誕下第三胎囝囝胡澔錕，一家五口幸福滿瀉。日前他們接受東網巨星節目《娛樂onShow》訪問，分享家中增添新成員後的變化，笑言要從頭學湊初生嬰兒。
胡仔與太太陳琪雖然各有各忙，但空餘時間亦會陪伴仔女，更坦言非常享受親子時光。日前他們接受東網巨星節目《娛樂onShow》主持俞詠文（Angela）訪問，問到家中增添新成員後，有何變化？陳琪直言更為忙碌，亦要重新學習怎樣照顧嬰兒：「大家更加忙，想休息吓都唔得，原本諗住生咗兩個囡囡後，可以享福，加上大女都大個，可以照顧妹妹。囝囝出現後係屋企嘅新衝擊，因為大家都遺忘咗點樣照顧初生嬰兒，所以要由頭學起。」
胡諾言追仔成功
而胡仔亦自爆當初曾有追仔的想法，希望家中有位男丁：「始終喺中國人嘅傳統思想都想有個仔，不過呢個都係初頭嘅想法，到後來囡囡出世，有佢哋已經好滿足，加上囡囡又好錫爸爸，所以已經好開心，第三胎都唔會介意係咩性別。」
親子活動唔少得
胡仔與陳琪經常抽空陪伴仔女，與兩個女兒各有不同的親子活動。大女芷苓指愛與陳琪看電視，因為可以攬着她，覺得非常溫暖，而與爸爸則最愛看書。二女芷悠就表示喜歡逗爸爸開心，更會唱歌和整蛋糕送爸爸，非常乖巧。此外，胡仔與陳琪更分享仔女的長處，兩個囡囡還送上禮物給他們，令二人相當開心，想知道係咩禮物？立即click入東網巨星收睇《娛樂onShow》啦！
文：專案組
場地：Play House Mikiki
化妝：Aika@Vimage beauty academy