Poyiu撞破前男友一腳踏兩船

組合星座少女推出第二首新歌《男孩子們》，日前她們約埋一起做Gym，其中Poyiu一年多前已開始減肥，由最肥的六十多公斤減至現時五十公斤，做Gym個多月的她們大呻剛開始時很辛苦，但現時肌肉結實了都大感滿意。
Cman（左起）、Cecilia、Poyiu及Emma約埋做Gym，大騷小蠻腰。
Cman（左起）、Cecilia、Poyiu及Emma約埋做Gym，大騷小蠻腰。

談到新歌講述女生不滿男友壞習慣，但男友死性不改，令女生又愛又恨，她們坦言有共鳴，其中Cman大呻前男友只顧打機不約自己出街，Emma則呻前男友不夠體貼成熟，Poyiu更試過親眼撞破前男友一腳踏兩船：「但我好蠢，原諒咗佢，佢應承以後淨係同我，但點知都唔係好理我。」三女講起男生即停不到，但Cecilia卻搭不上嘴，原來隊中最年長、現時24歲的她從未拍過拖，她解釋因讀女校及一直只顧跳舞所致，希望將來可以交個適合的男友。

Cecilia（左）與Cman練打拳，姿勢十足。
  • Cecilia（左）與Cman練打拳，姿勢十足。