江若琳戒食生煎包

歌手江若琳昨日到電台宣傳新歌《思念做宵夜》，MV找來好友杜汶澤做導演及男主角，故事延續他們之前拍過的電影。她踢爆男友蕭潤邦（Oscar）很愛食消夜：「呢個月我叫佢自己食，因為我要開騷操Fit，之前我肥到成個包咁！但病咗瘦咗，所以依家keep住操，想操到有腹肌同馬甲線，同埋依家食嘢要清啲，戒油、戒澱粉。（即係唔食得生煎包？）唔食得，所以大家唔好再約我去。」講到Oscar投訴葉文輝求婚搞到咁大做壞市，她笑言：「佢成日叫我唔好睇咁多呢啲。」她透露想要簡單的求婚方式，問到不想男友炮製驚喜？她笑言：「想嘅，但佢唔驚喜唔浪漫，佢係會唔小心自爆咗驚喜，守唔到秘密。」