滕麗名「香草燴牛尾」餵飽嘴刁老公
東網巨星節目甄想記（明記）33周年特約《星級煮意》，廣邀一眾名人紅星大展廚藝，今集請來人妻滕麗名（阿滕）示範「香草燴牛尾」，手法純熟盡顯功架，更自爆家有嘴刁老公，但一樣可以滿足對方要求。
《星級煮意》新一集請來阿滕示範色香味俱全的「香草燴牛尾」，廚藝耍家的她自小喜歡下廚，但只能在母親背後偷師，她解釋：「媽咪唔畀我入廚房，佢覺得廚房係佢嘅地盤，神聖不可侵犯，個廚房就係屬於個女主人，所以學煮嘢時只可以企喺媽咪背後或者企喺廚房門口睇，等佢去旅行，我先可以靜雞雞試吓煮。」她認為要炮製出美食佳餚，一定要真心喜歡烹飪，才會有心機去研究：「我好鍾意挑戰自己，食咗啲嘢覺得好味，我會上網搵食譜，再慢慢研究。鍾意煮嘢食嘅人，見到食嘢嘅人好滿意，就會好開心。」
煮中西餐都掂
不過，阿滕坦言廚藝再好，也會有失手的時候，她笑說：「我老公都幾嘴刁，如果失敗，佢會即刻表現出嚟，唔食同唔掂，佢把口刁到食排骨有幾多%嘅肉同骨都要去評論，到最後當然我好滿足到佢嘅要求。」
講到最拿手小菜，阿滕誇口中西餐也難不倒她，近年她愛上慢煮的烹調方法：「我鍾意慢煮雞同慢煮牛，因為方便同健康，冇咁多油分，煮出嚟嘅嘢失敗率好低，好方便，只需要用熱水浸。以前只可以喺大酒店先食到好嫩嘅牛仔肉，依家可以喺屋企做到。」中餐方面，她擅長白切雞、炆清湯腩及煲湯，她認為愈是簡單的菜式才愈考功夫。
Polly教烹調醬汁
烹飪導師Polly為大家提供小貼士，如果不想採用現成燒汁，可以自己烹調醬汁：「可以改做紅酒牛尾，用紅酒、茄膏、生抽、糖、香料，一樣可以煮出香濃美味嘅香草紅酒炆牛尾，如果唔用牛尾，可以改牛（月展），膠質更加豐富，而且啖啖肉，一家大細都啱食。」
《星級煮意》邀得陶大宇、黃建東、杜汶澤、陳嘉桓、陸浩明與女友、陳嘉佳、朱慧敏等亮相，其他名人藝人會陸續登場，示範不同菜式，又有專家提供煮食要訣，娛樂與資訊並重，節目逢星期四更新，大家可透過東網App或東網網頁收看及重溫。
https://goo.gl/QwqiN7
文：名人組