藝人李天翔和林子善先後入紙與圈外女友註冊結婚。上周入紙的天翔坦言與未來太太譚寶怡的婚禮不會鋪張，只會簡單與家人吃飯，他說：「我啱啱喺橫店返嚟，都未求婚。（未求婚就肯入紙嫁你？）咁咪代表另一半好信我囉！」又稱與女友未諗生BB，對於女友被爆有米，他說：「我哋經濟獨立，唔會理對方屋企背景點，亦唔會理大家收入，亦有人問我怕唔怕被指靠女友，呢樣嘢冇得驚，人哋點睇點講冇所謂。」
將於4月3日與圈外女友Kary擺婚宴的子善則表示忙於拍劇，現時婚禮籌劃先交予對方，問到有否因籌備而嘈交？他說：「梗係唔會啦！佢好錫我、好就得我。」