胡定欣剝展鵬條褲PatPat任睇

藝人胡定欣、陳展鵬和鮑起靜等昨日在將軍澳出席無綫新劇《同盟》之「皇者駕臨」活動，其中姚子羚更以火辣貼身裙亮相晒事業線，非常性感。雖然劇中定欣和展鵬甚有默契，更有不少有趣場口，例如定欣為展鵬療傷而扯低對方條褲，搞到他露半股。不過，自男方與單文柔傳緋聞後，展鵬和定欣這對過氣緋聞男女的表現顯得生疏不少，活動上司儀要求兩人重演預告片中定欣擒拿展鵬的場面，兩人本打算擺擺甫士就算，聽到現場觀眾大呼「唔收貨」後才尷尷尬尬順應要求。
胡定欣扯低陳展鵬條褲，搞到他露半股。
胡定欣扯低陳展鵬條褲，搞到他露半股。

訪問時，定欣指劇中有不少整蠱展鵬的戲份，當中包括將Pat Pat坐落展鵬面上。問展鵬會否擔心單文柔睇完該場面後不高興？他認真說：「唔關事，做演員關女朋友咩事，問番套劇嘅嘢好啲，無謂令大家尷尬。」至於首次在無綫演出的鮑起靜坦言今次拍攝是從影以來最大挑戰：「日以繼夜咁拍，直頭係拍到放早餐都繼續拍，去到中午先收工，最長連續開30幾個鐘。」她笑謂見到大家一樣辛苦，自己亦不敢病，又笑指發現無綫眾藝員均弗爆，所以要努力操練減肥。

活動上，胡定欣重演擒拿展鵬的場面。
  • 活動上，胡定欣重演擒拿展鵬的場面。
姚子羚以火紅低胸裙上陣。
  • 姚子羚以火紅低胸裙上陣。
姚子羚攬實陳山聰宣傳。
  • 姚子羚攬實陳山聰宣傳。