蕊蕊「偷雞」搞派對願道歉調解

蕊蕊前日化身美人魚在將軍澳某私人屋苑池畔搞派對，宣布榮升老闆娘開班授徒教美人魚泳式，獲藝人鄧詠雪等撐場。怎料，昨日本報接到讀者爆料，一名自稱該私人屋苑的業主小組委員會主席黎先生投訴，指蕊蕊前日所舉行的池畔派對，違反會所使用守則，守則列明除非獲得許可，否則不得舉行商業及記者招待會等活動，黎先生說：「會所只限居民使用，如果要搞活動要經業委會同管理公司一致同意先可以舉行，但業委會係全不知情。至於邊個租用場地，管理處以私隱為由唔講係邊個。」

黎先生續說曾向管理公司查詢，但未獲回覆，又表示事件令民怨四起兼令屋苑損失，要求蕊蕊有關方面道歉及賠償，然而金額多少要跟委員再商討。本報亦致電該管理公司查詢，惟有關方面轉介到公關部門，該部門回覆因調查需時，聲稱要今日才能答覆。

租公眾泳池開班

對於被指有「偷雞」之嫌，蕊蕊昨在電話中表示當日只是舉辦私人派對，強調有付租場費用，並為此事致歉：「我冇偷雞，本身場地唔係我負責，係我同事負責，了解番係因為同事嘅朋友住喺嗰個屋苑，所以幫我哋book場。其實我都只係舉辦一個私人派對，發邀請卡都係寫明係私人派對，我都聽過呢個場地舉辦過同類型活動。」

提到被居民投訴，她說：「我係啱啱先知呢個消息，同事已主動向有關方面協調，睇吓點畀番相應嘅租金。（居民話好嬲喎！）影響到其他人，我感到抱歉，對唔住，唔好意思。」她續說稍後開班會租用政府屬下的公眾泳池。

文：專案組