《閨蜜睡房》：糖妹嬲阿媽偷睇初戀日記
歌手糖妹（黃山怡）早前以T恤look亮相由東網巨星炮製的節目「海馬牌床褥特約」《閨蜜睡房》，有「可愛教主」之稱的她棄做「宅男女神」，笑言女神一代接一代，只有教主方可長青！不過這位可愛教主竟自爆會着運動衫當睡衣：「如果第二日去跑步，我會着運動衫瞓覺，可以懶到咁。」自言是愛情狂的她，最愛高挑成熟男。問到身高落差造成的不便？糖妹霸氣表示：「我做咩咁辛苦，坐喺度畀我錫算啦！」
記事本變「留言板」
糖妹更帶同「閨房法寶」記事板上節目，自言為人「大頭蝦」，會記錄着生活大小事：「瞓覺前寫低，瞓醒嘗試去完成，大多數都係完成唔晒，搞到一疊紙寫滿好多嘢！」糖妹的感情世界更因此被母親「入侵」，記事板變「留言板」，甚至連小時候的日記亦有母親「蹤影」，糖妹無奈說：「佢竟然喺我日記寫嘢！我初戀時佢擔心我唔知識咗啲咩人，佢竟然寫『唔好再搵呢個男仔啦！』我呢啲感情至上，理得佢呀！」
