高海寧與熊共舞 拋贏麥明詩

藝人高海寧（高Ling）與麥明詩（Lousia）昨午在颱風「洛克」襲港期間，到將軍澳東港城出席一田超市進駐東港城開幕典禮活動。有「咪神」之稱的高Ling，以白色露腰露背裝配魚尾長褲示人，稍稍拋胸與熊本熊共舞便已輕易撼贏Lousia。問到於颱風下仍出席活動是否獲更高酬勞？兩人未有正面回應，只希望將開心氣氛送給大家。

撐新節目貼地

提到Lousia與馮盈盈有份主持的J2台節目《後生仔傾吓偈》被指意淫，她反擊謂：「我覺得話人意淫嗰啲人要反省吓，係咪自己聽到覺得意淫，佢哋冇資格去話人。（覺得意識低俗？）係有想像空間，但我哋呢個節目講好多時下嘅社會問題，大部分年輕人關心嘅議題比較敏感，同關乎男歡女愛，係盡量貼近番社會。」

高Ling與麥明詩昨日與熊本熊齊齊出席活動。

放大圖片

寸林作多女神

提到前男友林作日前出席書展時，表示視台灣女星張鈞甯為女神，Lousia說：「唔知道，佢好多女神。上年話馮盈盈係女神，佢比較關注港姐。」對於林作自言碌爆卡有財困，她即神回：「碌爆卡即係冇財困，可以碌爆卡都唔少錢，我八號風球都出嚟做嘢，為咗將來冇財困。」

文：影視組