阿嬌頸梗梗 抬不起頭
藝人張智霖（Chilam）與鍾欣潼（阿嬌）前晚出席新片首映，穿上露腰長裙的阿嬌上台時踩到裙腳，Chilam見狀扶她一把，及後二人合卺交杯飲酒預祝票房大賣，阿嬌豪氣乾杯！
清減不少的阿嬌心情大靚，Chilam也讚她，阿嬌則笑言拍攝時身形要遷就闊大戲服：「之前賀爾蒙失調，睇醫生後應該好番，同埋食嘢均衡啲，較注重營養，少食多餐，有做少少運動。因為背脊冇肌肉支撐，右手完全冇力，懷疑神經線壓住咗，條頸上下郁都唔得，執嘢垂低頭都會暈，冇力將個頭抬起，要人幫，所以過兩日去睇醫生。」她說自上月雲頂演唱會後便感覺不適，未知是否與舊患有關。
對於好姊妹蔡卓妍公開戀情，阿嬌坦言未有合適對象，問到Chilam會否當媒人介紹？他說：「又係我？我連劉心悠都搞唔掂，做媒人好驚，介紹咗如果唔啱就累咗人，不過我身邊冇盤，男性朋友都係走冇鬼用路線，冇膽識！」
