陳嘉寶婚前學廚塞住未婚夫把口

11月將榮升人妻的陳嘉寶（Anjaylia）昨日出席煤氣公司全香港首推TGC × Hello Kitty嵌入式平面爐發布會，並即場炮製美食。她笑言：「由細到大，媽媽視廚房為禁地，驚我搞破壞，好少畀我入廚房，我會睇飲食節目同上網學點煮。」

Anjaylia笑言現時可炮製多款拿手菜式給富貴未婚夫Epaphras（黃頌祈）品嘗：「我煮咩佢都用鼓勵嘅心情讚嘅，佢鍾意中式啲，我有煲湯同煮小炒畀佢食。但我就鍾意煮西餐，會同啲女仔出去租個Studio學煮。」

Anjaylia透露11月的婚禮將在洲際酒店筵開50席：「姊妹團有Evelyn（蔡穎恩）啦，佢舉手話要做，其他就有Grace（陳凱琳）同陳瀅都會幫手。」她坦言仍未影婚照，但已決定在香港拍攝，不想舟車勞頓：「暫時煮多幾餐佢（黃頌祈）食，等佢問我搞掂未嗰時，用食物塞住佢把口。」

同場的混血模特兒Danielle首度帶6歲女兒Sophia出席公開活動，她透露正籌備一本兒童烹飪書，亦會留港發展。

問到感情生活時，Danielle說：「我仲係單身，都有人約會，但我仍然享受單身生活。（考慮埋小朋友？）當然，對象一定要對我小朋友好，係一個Nice Package。」

文：名人組

陳嘉寶婚前學廚 塞住未婚夫把口