麥紫莉秘密培訓惡補性知識
將赴日本拍AV的麥紫莉（Chili）昨日以「排場」迎戰書展一眾性感寫真女，在8名保鏢、4名保安包圍下現身，直言怕被粉絲突襲！對於日本之旅被質疑，她表示正接受相關培訓，不擔心行程受阻。
G奶o靚模麥紫莉因將赴日本拍AV而成為話題人物，昨日她現身書展宣傳寫真雜誌時，引來大批龍友圍住密密影，而她在8名保鏢包圍下現身，加上現場維持秩序的4名保安，一行12人化身「人牆」護駕，相當誇張。
試過被掂胸抽水
Chili受訪時直認現場保鏢是為了保護她：「驚有粉絲突襲，怕佢哋會衝上嚟抱我或者錫我。（試過畀人抽水？）唔多唔少試過，相信佢哋係冇心，試過畀人掂到上面，應該係無意嘅。」講到今日造型密實，Chili說：「密實極都有條線，咁樣係為咗保護自己。（擔心男粉絲會失望？）唔會。」
日文姿勢都要識
有指Chili以100萬簽下成人用品店代言，她說：「公司話唔方便講，係接咗，但唔可以講咁多。」對於有台灣AV達人對Chili赴日拍AV一事表示質疑，認為她的拍攝之旅會受工作簽證影響，且女優需要接受長時間培訓才能獲片方接納，認為她拍攝AV的可能性不大。對此，Chili表示已接受培訓一段時間：「唔擔心，依家做緊培訓，主要係學日文、增進知識。（要驗身？）係要，去到日本先，我8月會出發，到時會通知大家。（去幾耐？）暫時未知。（拍幾套AV？）兩套，再拍多啲要睇公司點同日本傾。」問到目前的培訓內容，Chili表示以學日文為主：「學日文囉！始終係日本嘅戲，要識日文，性知識同埋姿勢都要識。（困難？）都應付到，係由香港導師教。」
文：影視組