超蓮派扇派「涼」氹人開心
賭王何鴻燊三房千金何超蓮前日身在澳洲工作，但已於社交網站上載了一段片，預告回港後為自己的慈善團體Smile with us到會展派扇：「知道香港天氣黃雨又雷暴警告，但我係『Little Miss Sunshine』，只要我一返香港就會天晴，不過萬一真係落雨，派扇活動會取消，我亦甘願受懲罰。」還叫網民留言寫下懲罰方法，再選如何懲罰，最重要帶歡笑給大家。
昨日天公作美，超蓮派扇行動如期進行，應驗「Little Miss Sunshine」的稱號，她昨日9時許才由澳洲抵港，隨即趕到灣仔會展與十多位義工派發1,000把扇，發放正能量，她透露此活動籌備了幾個月：「我覺得啲人去書展排隊好熱，我想令香港人開心，想佢哋涼啲，同埋呢把扇咁可愛。（你之前話如果嚟唔到會罰自己？）係呀，原本諗住取消，所以都想將歡樂發放出去。」
幫單親家庭搬屋
超蓮透露未來幾個展覽會都會親身到場派扇，而8月亦有搞作：「會幫一個單親家庭搬屋，係一個單親媽媽同一個小朋友，佢啱啱有個新公屋，我哋去幫佢鋪地磚同搬傢俬。」此外，她還會資助及送出家品幫助他們，被指出錢又出力，她說：「係呀，咁先係慈善活動嘛！依家都愈嚟愈多人聯絡我哋想加入。（有幾多成員？）想加入差唔多有200個啦。」她又透露回港後忙於酒店Project、考會計試及籌備慈善活動。
文：名人組