欣宜作文96分 家人開P慶祝

歌手鄭欣宜昨日和組合C AllStar及「四眼Cue后」吳安儀出席活動，為即將放榜的DSE考生打氣。欣宜會上分享克服困難的經歷，透露幾個月前開始上網自學彈ukulele（夏威夷小結他），雖然彈到手指頭很痛，但仍堅持，現已懂得彈奏兩、三首歌，令她很有滿足感。她又憶述求學時的經歷：「學校入面個個都係精英學生，唔係考A就A+，我考B，已經係『籮底橙』。有次我好用心寫咗篇文章，英文老師竟然畀咗96分我，係我咁耐以嚟寫文章最高分嘅一次，所以用心就會有成果。當時我好開心，屋企人仲幫我開Party慶祝，所以到我做歌手後，就知道好多嘢要堅持先會成功。」