陳敏之囝囝搶Fo變主角

無綫重頭劇《溏心風暴3》昨晚於將軍澳舉行煞科宴，台前幕後包括夏雨、關菊英、李司棋、陳敏之、岑麗香、劉溫馨、黃宗澤及王浩信等傾巢而出，場面相當熱鬧。敏之更帶同囝囝雷子樂到場，cute爆的子樂成為全場焦點，不少人爭住「集郵」。敏之受訪時坦言《溏3》比預期快完工，台前幕後依依不捨，之後她會先放假：「想陪吓個仔，亦會搵啲嘢學同埋做吓運動，做個有型健康嘅媽媽。嚟緊都有計劃同老公出埠過吓二人世界，享受陽光與海灘。」

王浩信生日被掃場

而岑麗香與王浩信一起受訪，剛於7月7日度過34歲生日的王浩信獲劇組送上蛋糕補祝生日，他開心表示：「生日啱啱喺葡萄牙拍緊外景，我都有食燒豬同收到劇組送畀我嘅CD做禮物，但係喺當地拍拍吓外景，突然有個大漢衝出嚟掃跌晒啲啤酒，當時我真係有啲驚，好彩最後都冇乜事。」

阮兆祥偷啜子樂面珠。	暖男王浩信（左）及黃宗澤合作新劇，劇迷又有排追。	劉溫馨性感示人，大晒「胸」湧上圍。

黃宗澤捱過「死亡通告」

黃宗澤指拍《溏3》時，經常接「死亡通告」，他笑言：「每日要拍23至24小時，返屋企沖個涼又去拍外景，呢種生活都維持咗十幾日。」近期工作忙碌的他，指與日籍模特兒女友Jun很少見面，幸好對方沒「詐型」。

文：影視組