千嬅盼開護理中心
藝人楊千嬅昨日出席Citigold「財富價值，由您演繹」新聞發布會，她揚言希望將來開護理中心及待兒子Torres 15歲後，陪他到外國讀書，千嬅認真地說：「咁多年都想有自己嘅生活，未必一定跟佢讀書，佢讀書嘅時候，我可以做想做嘅嘢。至於護理中心真係好想開，但好難，除非我唔做娛樂圈。」
提到跟媽媽一齊拍廣告，千嬅坦言很開心，並指媽媽一直有為她剪報，雖以緋聞為主，但媽媽覺得影得靚便會剪低，她又自爆拍攝時不禁淚灑當場：「佢講咗句『如果佢做媽媽，千嬅一定係100分嘅媽咪』之後我就嚟料。」提到現時養小朋友昂貴，千嬅覺得有決心就做到，香港搵錢雖艱難，但為小朋友可以打多份工：「我都唔係一入行就有錢，以前我做新人冇咩收入，公司借過1千蚊畀我，一個月搵3、4千都試過。」