麥明詩認空虛 被人攝時間

藝人麥明詩（Louisa）與湯洛雯昨日出席商場活動，單身的Louisa透露有人追：「勉強有一、兩個，畀面見我空虛，搵我攝時間。（唔係你杯茶？）我了解緊我杯茶係乜。（未知？）係，我好多元化，好open-minded。每個人都有欣賞地方，我要求唔多，啱眼緣有feel，真摯。（有冇女士追你？）暫時未feel到。」曾讀女校的她，身邊雖有不少女性朋友喜歡同性，但她強調喜歡異性。而湯洛雯則透露曾被同性追，但不會親近怕惹誤會。提到緋聞男友羅天宇，她表示仍了解中：「好忙，未有時間，佢有請我食生日飯。」