林作嗌窮 恨拍女性用品廣告

向來言行出位的林作，昨日出席旅遊達人項明生的新書發布會，自爆去旅行只為拍拖及追女仔：「去旅行係感情增進嘅高招。（分房瞓？）如無意外都係一間房。（追緊都同房？）好多女仔都對我有足夠信任，知我係君子。（去旅行買嘢你埋單？）如果有經濟能力都可以。」林作又自稱最近有經濟困難，要平價接廣告：「有時都會畀人壓價。（乜都接，頂爛市？）幫補吓都要，拋個身出嚟，都想接女性用品廣告。我成日都鼓勵啲客跳出框框，唔好咁死板。」