陳展鵬無遮無掩 男粉陪小解

藝人陳展鵬及田蕊妮昨日於鑽石山出席《TVB周刊》20周年慶誌典禮，齊齊義賣福袋。陳玉蓮則以受惠機構大使身份到場支持。展鵬義賣福袋時，有男粉絲熱情地爭住搶購，上台後更搭實展鵬膊頭合照。田蕊妮見狀笑指：「佢想要陳展鵬多啲。」司儀安德尊更笑稱：「陳展鵬咪搞亂檔！」

廁格Full晒排排企

展鵬受訪時自爆活動後，被該名男粉絲跟實去洗手間，更相隔幾個身位一齊小解，他說：「經理人隔開佢，冇辦法呀，我好急，廁格又full咗！」他直言起初感尷尬，但得知對方特意請假由屯門來支持他而覺得感動！至於可有其他瘋狂fans？他笑說：「男粉絲少啲，仲好啦，close啲，女粉絲唔入得男廁，入咗要報警o架啦！」問到可會教緋聞女友單文柔隔絕狂迷？他表示新人有粉絲是好事，相信對方會控制，亦不擔心對方被狂迷纏擾，他說：「唔怕，出活動有工作人員保護！」

阿田被老公谷肥

同場的田蕊妮則大爆老公杜汶澤，拍完飲食節目就密密下廚試新菜，進入瘋狂狀態，更大讚老公廚藝有進步，至於她可有吃到變胖？她表示：「我覺得有，一向都要減肥啦，希望唔好再重啦！」

文：影視組