劉佩玥拒愛黃子恆 驚嚇怕追求者
藝人劉佩玥和女飛魚歐鎧淳昨午到將軍澳出席活動。劉佩玥透露剛與好友陳瀅由泰國旅行返港，更代好友澄清與何猷亨「翻撻」的傳聞，否認男方幫陳瀅在港置業：「我哋兩個都冇拍拖，陳瀅係想買樓，但係喺加拿大，佢想買畀婆婆。以我同佢嘅關係，大家可以相信冇咁嘅事。」
談到泰國之旅，劉佩玥指與陳瀅買睡衣返港做直播：「喺度『捵床捵席』同大家傾吓生活嘢，唔性感嘅。（傳你同黃子恆拍拖。）我哋都好慘，嗰日拍緊嘢亦知道有記者在場。（傳你收兵？）我唔係娘娘，但有沖涼，唔好阻佢追女仔，亦唔好嚇怕我嘅追求者，大家係好朋友。（伍允龍後冇拍拖？）我唔係好介意緋聞，反而媽媽覺得有需要澄清，笑吓咪算囉。」
歐鎧淳則坦言仍將游泳放在首位：「9月仲會出賽，到亞運嗰時要停一停唔接騷嘞，目標係100米背泳攞牌。其實教練有微言，因為有時見到我太攰嘞。」
