藝人賴慰玲昨日宣布懷孕近5個月，一班圈中好友即「噴射式」恭喜她。跟她合作劇集《殭》而成為好友的陳凱琳直言之前已知賴慰玲懷孕，她昨日說：「好戥佢高興。（守秘密辛苦？）唔辛苦，都冇人知。同埋我都想爭做契媽，但要打畀佢同佢傾傾。（幾時到你生？）唔係依家啦！」當賴慰玲是妹妹的鄭嘉穎亦說：「祝佢生個肥肥白白嘅BB，宣布咗就好，等PA（助導）、導演錫住佢，之前唔知成日拍通宵戲，可大可小。」
陳嘉寶則上載錫錫賴慰玲肚皮的合照，留言指自己超開心和感動，又表明要做契媽一號！至於Super Girls成員吳嘉熙（Cheronna）自言得悉喜訊後喜極而泣。蔡思貝就上載兩人騷長腿舊照，搞笑叫賴慰玲不要再穿短褲，小心着涼。