JW笑吳業坤英文屎一味靠吹
吳業坤和JW（王灝兒）的合唱歌《原來只因深愛着》，在YouTube上架個多月，點擊率達180多萬！兩人將於8月假旺角舉行演唱會。日前JW接受訪問時稱，屆時整晚跟坤坤互唱對方的歌，但不擔心被外界比較，因男跟女唱歌的感覺不同。
JW踢爆坤坤愛在額頭貼上兩塊紙巾，在車廂內大聲唱她的英文Rap歌《Stupid BOII》：「佢好努力，不過甩晒歌詞，好搞笑。（佢英文太差？）我諗係佢唔熟歌詞啫。」笑完坤坤英文「唔掂」後，她即補鑊讚對方口技一流：「我哋影演唱會海報時要食吹波膠，佢好勁吹到個波成塊面咁大。」不過吹爆波後，坤坤的鼻似笠了「膠套」，樣子詼諧。
街頭獻唱賺餐晏仔
坤坤表示在旺角開騷是想「貼地」，亦令他憶起在街頭玩Busking的日子：「冇人認得我，亦冇人理我，當時我冇自己歌，同埋笠咗大頭佛面具。（感覺難受？）都有好心人擺低少少打賞，唱咗4個鐘有幾百蚊，同人分埋都夠食餐晏仔。」曾誇口開紅館騷可一天售罄過萬張門票的他，被問今次可否半日賣晒千多張門票？怕再被指囂張的他說：「我諗兩星期啦，因為今次係換唔係買飛。」
文：音樂組