《玄學星相》：賴慰玲子女緣旺兩囡一仔走唔甩

無綫小花賴慰玲憑去年的無綫劇《殭》成功上位，不但劇集大受歡迎，而且其演技亦逐漸受到觀眾認同。堪輿學家雲文子在新一集東網巨星節目《玄學星相》中，指她今年的事業運相當不俗，會繼續攀升 ：「以奇門遁甲推算，賴慰玲命宮臨『青龍』帶『開門』，直接代表官祿同工作，所以佢今年工作會非常有進步同提升，收入亦會大增。中秋後更會有唔同嘅機會出現，要好好把握。（轉行性感又會否殺出新血路？）以賴慰玲嘅格局，如果靠性感嚟突圍會比較難，『青龍』代表變化、多元素，所以在唔同嘅角色入面需要到佢性感，咁反而對事業有幫助。」