戀情撻Q？婷婷唔認「鷹眼」係男友
藝人謝婷婷近期出席活動，總被追問與「鷹眼」謝洛美維拿的戀情，更曾冧爆透露已見過對方家長。但昨日她被問到會否與謝洛美結婚時，卻一反常態，首次否認戀人關係：「佢唔係男朋友。（分手？）冇真正拍拖，冇認過，係你哋質我。」若果兩人從未拍拖，那婷婷豈不是一直消費對方作宣傳？
此外，提到謝賢早前受訪時表示每講及霆鋒婚姻就想喊，她亦眼濕濕說：「你唔好講佢（爸爸）喊，佢喊我又想喊。（全家因為呢件事而唔開心？）唔係咩開心事，我都有喊，平時一聽到男人喊都傷心，仲要係爸爸，佢好堅強，佢咁Cool，但都好sweet。（因為咁而影響你對婚姻睇法？）大家相愛就冇需要（結婚）。」